Du schmiersch dir Gel in deine Hoor
kaschiersch damit die letzten fünf Johr
mit der Sonnenbrill af deiner Nos
spielsch in der Disco in geilen Hos
Du kafsch lei Gucci und Calvin Klein
versuachsch jed´s Johr voll "in" zu sein
dei neier Porsche keart no d´r Bank
vom Papa `s Geld für´n vollen Tank
um deinen Puls a groaße Kett´
doch wer du wirklich bisch sel woasch du net
          

Was in der Zeitung steat isch für di wohr
wer guat oder schlecht isch, es sich alles klor
vor Hierarchien hosch du Respekt
du hosch di doch selber aufigeleckt
Du sagsch einfach "grüß dich" und a "na weisch"
af jede Party bisch du g´spannt und heiß
von deinem Snowboard gibt´s viel zu derzähl´n
und von de Rekorde de dir no fehl´n
deine zwoahundert Freinde finden di nett
doch wer du wirklich bisch sel woasch du net
    

Irgendwann kimmp di Leere tiaf in dir drin
und du fragsch di plötzlich: "Wo lig der Sinn?"
von Masken und Rollen hosch du jetzt genua
du suachsch die Stille und dei Rua
entdecksch di selber (und) mit oan oanzig´n Wisch
kriag alles an Sinn weil du woasch wer du bisch
kriag alles an Sinn weil du woasch wer du bisch